Klubi i parë i Lionel Mesit, në librin e Rekordeve “Guinness”

0

Në vitin 2015, Lionel Mesi deklaroi se një alternativë ishte që ta mbyllte karrierën në klubin e tij të vendlindjes. Prej atij momenti, Njuells Old Bojs u vendos në qendër të vëmendjes dhe u kthye në fenomen mediatik.
Tashmë, në distancën e tre viteve, klubi argjentinas përbën sërish lajm. Por, këtë herë Mesi nuk ka të bëjë dhe gjithçka lidhet me iniciativën fantastike të drejtuesve. Njuells Old Bojs është futur në listën e Rekordeve “Guinness”, falë punës së 23 mjeshtrave të tatuazhjeve.
Në harkun e më pak se 12 orëve, ata arritën të pikturonin në trupin e 2,057 tifozëve inicialet dhe vitin e themelimit të klubit. Në këtë mënyrë, u thye edhe primati që mbahej nga brazilianët e Vasko da Gamas, që brenda 24 orëve kishte vendosur “markën” e klubit te 801 tifozë.
Rekordi u realizua, si pjesë e një prej iniciativave për 115-vjetorin e themelimit të klubit. Një ditë e madhe festive për kuqezinjtë. Në përfundim të orëve “të çmendura”, klubi nga Rozario ka marrë shumë falenderime për eksperiencën unike që i dhuroi mbështetësve të tij.

La jornada #PielLeprosa superó el récord mundial de tatuajes en un día: 2.057 leprosos dejaron su pasión grabada para toda la vidahttps://t.co/H9BwGKLjXG pic.twitter.com/UFbtPMqgs4
— Newell’s Old Boys (@CANOBoficial) November 6, 2018

You might also like More from author

error: As mos e mendo :P
%d bloggers like this: